«Барселона» клуби ҳимоячиси Хорди Альба «Валенсия»га (1:1) қарши кечган учрашувдаги ҳакамликдан нолиди.
Ҳисоб 0:0 бўлиб турган пайти ҳакамлар Лионель Мессининг голини ҳисобга олмагандилар.
«Бу ҳакамларнинг қўпол хатоси. Мен майдон марказида турган эдим, хатто мен ҳам гол бўлганини кўрдим. Бу ғазабни қўзғайдиган ҳолат!
Ўтган мавсум «Бетис»га қарши ўйинда ҳам шунга ўхшаш ҳолат бўлганди ва ким билади дейсиз айнан ўша сабаб чемпионликни қўлдан бой бергандирмиз.
Тўп чизиқни уч метрга кесиб ўтганди, ҳакамлар эса голни ҳисобламади – қанақасига бундай бўлиши мумкин?! Ахир гол очиқ-ойдин кўриниб турибдику!
Албатта, бундай ҳолатларда видеотакрорлардан фойдаланиш самара беради», – дейди Альба.
