Londonning “Arsenal” klubi bosh murabbiyi Arsen Venger “Manchester Yunayted”ga qarshi uchrashuv (1:3) dagi mag‘lubiyatga o‘z fikrlarini bildirdi.

“Biz o‘yin boshida himoyani unutib qo‘ydik, albatta, bu mening aybim. 0:2 hisobida ortda qolayotgan vaqtimizda ham bizda gol urish uchun yetarli imkoniyatlar yuzaga keldi. “Arsenal” ajoyib o‘yin namoyish etdi, lekin gol urishda raqibdan oqsadik.

Tezkor gollar futbolchilarimning kayfiyatiga juda qattiq ta’sir o‘tkazdi. Qanotdan o‘ynash uslubi omad keltirmadi.

Ha, yana bitta gol ura olmaganimizni tushuna olmayapman. Xuddi ertaklardagi kabi, birgina David De Xeaning o‘zi bizni mag‘lubiyatga uchrashimizga sababchi bo‘ldi.

Yaxshi o‘ynab, yakunda mag‘lubiyatga uchrash alamli. O‘yin boshida yo‘l qo‘ygan xatolarimizni boshqa takrorlamaslikka harakat qilamiz”, - deydi Venger.