Italiya terma jamoasining sobiq bosh murabbiyi Arrigo Sakki Italiya chempionatining 15-turida "Yuventus"ning "Napoli" ustidan qozongan g‘alabasiga fikr bildirdi
"Turinliklar dastlabki 15 daqiqada urgan goli tufayli g‘alaba qozondi. Shundan so‘ng butun jamoa bo‘lib hisobni saqlab qolishga tushib ketdi. Ispaniyada bunday g‘alabani hatto nishonlamaydilar ham. Futbol asoschilar bu o‘yin yillar o‘tib shu darajada himoyaviy ko‘rinish olishiga ishonmagan bo‘lar edilar.
Futbolni sevuvchilar uchun bunday o‘yin haqorat hisoblanadi. "Yuventus"da ajoyib jamoa bo‘lish uchun hamma narsa bor, 70 daqiqa himoyalanish emas", - deydi Sakki.
