Италия терма жамоасининг собиқ бош мураббийи Арриго Сакки Италия чемпионатининг 15-турида "Ювентус"нинг "Наполи" устидан қозонган ғалабасига фикр билдирди
"Туринликлар дастлабки 15 дақиқада урган голи туфайли ғалаба қозонди. Шундан сўнг бутун жамоа бўлиб ҳисобни сақлаб қолишга тушиб кетди. Испанияда бундай ғалабани ҳатто нишонламайдилар ҳам. Футбол асосчилар бу ўйин йиллар ўтиб шу даражада ҳимоявий кўриниш олишига ишонмаган бўлар эдилар.
Футболни севувчилар учун бундай ўйин ҳақорат ҳисобланади. "Ювентус"да ажойиб жамоа бўлиш учун ҳамма нарса бор, 70 дақиқа ҳимояланиш эмас", - дейди Сакки.
