Futbol olamida qiziqarli voqealar juda ko‘p bo‘lib turadi. Quyida ana shunday qiziqarli voqealar haqida o‘qishingiz mumkin.
Buenos Aires maydonida bo‘ydoq futbolchilarning ustunligini isbotlash maqsadida bo‘ydoqlar va uylanganlar orasida ekperemental match o‘tkazilgan. O‘n bir metrli jarima to‘pi amalga oshirilguncha hammasi tinch edi, ammo bu goldan keyin «uylanganlar» jamoa a’zolarining ayollari maydonga tushib, hakam bilan janjallashib, to‘polon qolib g‘alabani «xo‘jayin»lariga olib berishadi. Noxushliklarning oldini olish maqsadida «bo‘ydoqlar» jamoasi ham arz qilmagan.
***
Angliyaning “Vulverxempton” klubi muxlislari Ginnesning rekordlar kitobidan joy olishga astoydil harakat qilishayapti. Jamoatchi sosialoglarning o‘tkazgan so‘roviga ko‘ra jamoa muxlislar har kuni kam deganda 4-5 soatlab futbol tomosha qilishar ekan. Ko‘pchilik muxlislar jamoaga nisbatan qiziqish, e’tibor xatto xotinlariga bo‘lgan sevgidan ham kuchliroqligini ta’kidlashdi. O‘z navbatida ayollar ham bo‘sh kelishmadi. Ular ham “Vulverxempton” o‘ynaganida sevgiga yo‘l bo‘lsin, deb tan olishdi.
***
Chili terma jamoasi hujumchisi Maurisio Pinilya JCH-2006 saralash uchrashuvlarining birida 84 daqiqada g‘alaba to‘pini kiritgach, hakam tomonidan maydondan chetlatildi. Bunga sabab esa hujumchi to‘p kiritgach, xursandchiligini nishonlash uchun shortigini yechib… boshiga kiyib oldi va mezbon muxlislar tomonga yugurib ularning g‘ashiga tegdi.
***
Mashhur darvozabon Lev Yashin o‘z faoliyati davomida ajoyib voqealar guvohiga aylangandi. Bir gal “Spartak” bilan uchrashuvda u raqib jamoa o‘yinchisi Xasindan oddiy to‘pni o‘tkazib yubordi. Uchrashuv yakunlangach, jurnalistlarning “Oddiy to‘pni qanday qilib o‘tkazib yubordingiz. Axir uni ushlay olishingiz mumkin edi-ku?”, - degan savoliga Yashin quyidagicha javob qildi. “Kechirasiz-u, Xasinning ko‘zlari G‘ilayku. U men bilan yolG‘iz qolganda, to‘pni qaysi burchak – chapga yoki o‘nggami tepishini bilolmay qoldim. Chunki bir ko‘zi o‘ngga, ikkinchisi chapga qaragandi-da. Xasin esa to‘g‘riga zarba berdi”.
***
XX asr boshlarida mashhur MYU klubi rahbarlari stadionga muxlislar to‘plashning antiqa usulini o‘ylab topishgandi: Agar MYU o‘z maydonidagi uchrashuvda gol ura olmasa sotib olingan chiptalar navbatdagi o‘yinga ham o‘tadi. Garchand, klub moliyaviy tomondan zarar ko‘rsada, o‘z muxlislarini yo‘qotmasdi. Negaki, jahli chiqqan ishqiboz keyingi o‘yinga chipta olish yoki olmaslikni o‘ylab ko‘radi. Qo‘lida tayyor chipta turganda esa, G‘azabdan tezda tushadi-da hammasini unutadi. Yaxshi kayfiyat bilan uyiga kelib, o‘z jamoasini hech narsa bo‘lmaganidek qo‘llab-quvvatlashni davom ettiraveradi.
