“Manchester Yunayted” klubi yarim himoyachisi Pol Pogba kecha “Arsenal”ga qarshi uchrashuv (3:1) dagi qo‘pol harakati uchun qo‘shimchasiga jazolanishi mumkin.
Bugun Angliya futbol assosiasiyasi “Arsenal” – “MYU” o‘yinini boshqargan hakam Andre Marrinerdan futbolchini aynan qaysi sabab tufayli maydondan chetlatilgani haqida javob oladi va shunga qarab, qo‘shimcha jazo belgilash bo‘yicha yakuniy qaror qabul qiladi.
Pogba to‘g‘ridan – to‘g‘ri qizil kartochkaga loyiq ko‘rilgani uchun, kamida uchta o‘yinga aniq chetlashtiriladi. Bundan tashqari agar uning hakam qaroriga qarsak chalib maydonni tark etgani o‘yin qaydnomasiga kiritilgan bo‘lsa, diskvalifikasiya muddati yana uzayish mumkin.
