"Bavariya"ning sobiq bosh murabbiyi Karlo Anchelotti Italiya terma jamoasi bosh murabbiyi bo‘lish maqsadi yo‘qligini ma’lum qildi.
"Italiya futbol federasiyasi men bilan aloqaga chiqishdi. Ko‘pchilik meni Italiya termasi bosh murabbiyi vazifasida ko‘rishni istayotganligi men uchun katta sharaf. Ammo terma jamoa bilan klubda ishlashning farqi sezilarli. Men klubda ishlashni ma’qul ko‘raman. Menga har kuni klub bilan bo‘lish yoqadi.
Italiya futbolida ba’zi muammolar bor. Jumladan federasiya va klublar o‘rtasida kelishmoqchiliklar bo‘lib turadi.
Hozircha, 30 iyungacha dam olmoqchiman. Buning ustiga Italiya termasining iyungacha muhim o‘yini yo‘q. Karlo Tavekkio bilan munosabatlarimizda muammo yo‘q, ammo menga federasiyadan boshqa odamlar aloqaga chiqishdi", - deydi Anchelotti.
