«Milan» klubi bosh murabbiyi Jennaro Gattuzo «A» Seriya 15-turi doirasida «Benevento»ga qarshi kechgan o‘yindan so‘ng o‘z fikrlari bilan o‘rtoqlashdi.
«Yigitlar bor kuchlarini berdilar, g‘alati gol o‘tkazib yubordik va taqdirimizga shu bitilgandi. Istak va intilishlari uchun futbolchilarga tashakkur aytaman.
O‘z xatolarimiz ustida ishlaymiz va jismoniy holatni yaxshilashga harakat qilamiz, bugun esa ularni ayblamoqchi emasman. Bizni uzoq mavsum kutib turibdi va ko‘p jihatlarimizni kuchaytirishimiz kerak» - deydi Gattuzo.
