“Real”ning sobiq hujumchisi Xorxe Valdano “qirollik klubi”dagi muammolarga to‘xtalib o‘tdi.
“Hozir “Real”ning o‘yini qovushmayotganligi rost, ammo men klubda jiddiyroq muammolarni ko‘ryapman. Gap shundaki, ayrim futbolchilar o‘yin taqdirini o‘zlari hal qilmoqchi bo‘lishyapti. Ana shunday futbolchilardan biri Isko. U ko‘p hollarda “Faqat o‘zim bo‘lay”, deb harakat qiladi, o‘yin qahramoni bo‘lishga intiladi, ammo yakunda harakatlari zoye ketadi. Ronaldu ham xuddi shunday, u odatda Benzema bilan birga samarali harakat qilardi, ammo “Atletiko”ga qarshi o‘yinning ikkinchi bo‘limida bu ikki futbolchi birgalikda umuman xavfli vaziyat yarata olishmadi”, dedi Valdano.
