“Реал”нинг собиқ ҳужумчиси Хорхе Вальдано “қироллик клуби”даги муаммоларга тўхталиб ўтди.

“Ҳозир “Реал”нинг ўйини қовушмаётганлиги рост, аммо мен клубда жиддийроқ муаммоларни кўряпман. Гап шундаки, айрим футболчилар ўйин тақдирини ўзлари ҳал қилмоқчи бўлишяпти. Ана шундай футболчилардан бири Иско. У кўп ҳолларда “Фақат ўзим бўлай”, деб ҳаракат қилади, ўйин қаҳрамони бўлишга интилади, аммо якунда ҳаракатлари зое кетади. Роналду ҳам худди шундай, у одатда Бензема билан бирга самарали ҳаракат қиларди, аммо “Атлетико”га қарши ўйиннинг иккинчи бўлимида бу икки футболчи биргаликда умуман хавфли вазият ярата олишмади”, деди Вальдано.