O‘zbekiston Kubogining final uchrashuvi yakunlanganidan so‘ng Osiyo Chempionlar Ligasi musobaqasida 2018 yil O‘zbekiston sharafini himoya qiladigan uchta klub nomi ma’lum bo‘ldi.

Unga ko‘ra, O‘zbekiston klublari uchun OCHLdan “1+2” sxemasida (bir klub to‘g‘ridan-to‘g‘ri, ikkitasi esa saralash orqali) yo‘llanma berilgandi.

O‘zbekiston chempionati va Kubogida g‘olib chiqqan “Lokomotiv” Osiyo Chempionlar Ligasida to‘g‘ridan-to‘g‘ri ishtirok etish huquqini qo‘lga kiritdi.

Oliy Ligada kumush va bronza medallarini qo‘lga kiritgan “Nasaf” va “Paxtakor” jamoalari saralash bahslarida ishtirok etib, guruh bosqichiga chiqishga harakat qilib ko‘rishadi.

O‘zbekiston Oliy Ligasida 4-o‘rinni olgan va Kubokda  finalchi bo‘lgan “Bunyodkor” kelasi mavsum Osiyo Chempionlar Ligasida ishtirok etmaydi.

OFK O‘zbekistonga “1+2” sxemasida (1 ta klub to‘g‘ridan-to‘g‘ri, 2 tasi esa saralash orqali) kvota ajratgandi.

Shunday qilib, ketma-ket 10 mavsum Osiyo Chempionlar ligasida ishtirok etib kelayotgan “Bunyodkor” o‘z tarixida ilk marotaba ushbu nufuzli musobaqada ishtirok etmaydigan bo‘ldi.

Ma’lumot uchun, “Nasaf” hamda “Paxtakor” saralash bosqichining so‘nggi bosqichida Qatar va Iordaniya klublariga qarshi bahs olib borishadi.

30 yanvar. “Nasaf” (O‘zbekiston) – “Al-Faysali” (Iordaniya).

30 yanvar. “Al-Garafa” (Qatar) – “Paxtakor” (O‘zbekiston).

Eslatib o‘tamiz, “Bunyodkor” stadionidagi uchrashuvning final hushtagi chalingandan so‘ng muxlislar to‘satdan maydonga yugurib chiqishgandi.

So‘nggi ma’lumotlarga ko‘ra, muxlislar sovg‘a uchun tarqatilgan to‘plarni birinchi bo‘lib olish maqsadida maydonga yugurib chiqishgan.