3 dekabr kuni Italiya “A” Seriyasida 15-tur uchrashuvlari o‘tkazildi.
Kuni kecha “Milan” klubini qabul qilib olgan Jennaro Gattuzo shogirdlari safarda “Benevento” jamoasi bilan bahs olib borishdi.
Uchrashuvda 2:2 hisobi qayd etilib, Gattuzoning “Milan”dagi debyuti yakunda omadsizlik bilan nihoyasiga yetdi.
E’tiborli tomoni shundaki, maydon egalari 2:1 hisobida ortda bora turib, hakam tomonidan qo‘shib berilgan daqiqalarning so‘nggi soniyalarida hisobni tenglashtirishdi.
15-turga qadar biror marta g‘alaba yoki durang qayd etmagan “Benevento” jamoasining o‘yindagi qahramoni darvozabon - Alberto Brinyoli bo‘ldi.
Aniqrog‘i, Brinyoli oxirgi soniyalarda jarima zarbasidan oshirilgan to‘pni bosh bilan raqib darvozasiga joylab qo‘ydi va jamoasini muqarrar mag‘lubiyatdan qutqarib qoldi.
Bilamizki, futbol o‘yinlarida darvozabonlar tomonidan gol urish holati juda kam amalga oshiriladi.
Ayniqsa, “Benevento” darvozaboning jamoasini halokatdan qutqarib qolishi tezlik bilan ijtimoy tarmoqlarda keng ommalashib ketdi va muxlislar voqeani iliq munosabat bilan qarshilashdi.
Italiya chempionati, 15-tur.
“Benevento” – “Milan” 2:2.
Gollar: Pushkash (50), Brinyoli (90+5) Bonaventura (38), Kalinich (57).
“Benevento”: Brinyoli, Gimsiti, Di Kyara (Gyamfi, 79), Letisia, Kosta, Kataldi, Chibsa, D'Alessandro, Memushay (Koda, 80), Parijini (Brinyola, 67), Pushkash.
“Milan”: Donnarumma, Bonuchchi, Romanyoli, Rodriges, Musakkyo, Bonaventura, Kessie, Borini (Abate, 60), Montolivo (Bigliya, 73), Suso (Sapata, 87), Kalinich.
