Angliyaning “Manchester Siti” jamoasi bosh murabbiyi Xosep Gvardiola YECHLning so‘nggi turi doirasida “Shaxtyor”ga qarshi o‘yindan oldingi fikrlari bilan o‘rtoqlashdi.
“Har doim ham eng yaxshi futbol natijani kafolatlamaydi. Ha, biz harakat qilib, ko‘plab vaziyatlar yaratyapmiz. YECHLdan chiqib ketish uchun esa 45 daqiqa yomon o‘yin kifoya qiladi. Natija barchasidan muhim.
So‘nggi o‘yinlarda o‘zimizdan yaxshiroq taassurotlar qoldira olmayapmiz. Biroq men uchun jamoaning mana shunday o‘yini juda muxim. Futbolda natija har qanday chiroyli o‘yindan ustun.
Ta’kidlayman, Xarkovga g‘alaba uchun keldik. Ertaga zafar quchishni istaymiz. Shuningdek, dam olish kunlari “Manchester Yunayted” bilan bahs bor. Biz ertami kechmi mag‘lub bo‘lamiz. Biroq oldindagi ushbu ikki bellashuvda raqiblarni tor-mor etmoqchimiz”, - deydi Pep.
