Angliyalik sobiq hakam Mark Klattenburg APLdagi hakamlik faoliyatini tashlashga nima sabab bo‘lganini aytib berdi.

Hakam shundan so‘ng Saudiya Arabistoni Futbol federasiyasi hakamlar qo‘mitasiga ishga o‘tib ketgan.

"Men Ueyn Runi Bobbi Charltonning rekordini yangilagan o‘yinda hakamlik qildim. Uchrashuvdan so‘ng oldimga Mourinyo kirdi va meni "Stok Siti" darvozasiga penalti qo‘ymaganlikda ayblay boshladi.

"MYU" o‘yinlarida hakamlik qilish har doim qiyin bo‘lgan. Juda yaxshi ishlaganimga shubham yo‘q edi. Mourinyo tanqid qilganda, to‘p o‘yinchinigng qo‘liga emas, ko‘kragiga tekkaniga amin edim. Ammo Mourinyo xayolimda ikkilanish urug‘ini ekib qo‘ydi.

Uyga qaytayotib, xato qilganim haqida gumon qildim. Voqealarga munosabatim o‘zgardi. Bunday ishlashda davom etamanmi, hakamlik qilamanmi, o‘ylanib qoldim.

Uzoq o‘ylanib, bu ishdan xuddi avvalgidek zavq ololmasligimni tushundim. Shundan so‘ng hakamlikni tashladim", - deydi Klattenburg.