Англиялик собиқ ҳакам Марк Клаттенбург АПЛдаги ҳакамлик фаолиятини ташлашга нима сабаб бўлганини айтиб берди.
Ҳакам шундан сўнг Саудия Арабистони Футбол федерацияси ҳакамлар қўмитасига ишга ўтиб кетган.
"Мен Уэйн Руни Бобби Чарльтоннинг рекордини янгилаган ўйинда ҳакамлик қилдим. Учрашувдан сўнг олдимга Моуриньо кирди ва мени "Сток Сити" дарвозасига пенальти қўймаганликда айблай бошлади.
"МЮ" ўйинларида ҳакамлик қилиш ҳар доим қийин бўлган. Жуда яхши ишлаганимга шубҳам йўқ эди. Моуриньо танқид қилганда, тўп ўйинчинигнг қўлига эмас, кўкрагига текканига амин эдим. Аммо Моуриньо хаёлимда иккиланиш уруғини экиб қўйди.
Уйга қайтаётиб, хато қилганим ҳақида гумон қилдим. Воқеаларга муносабатим ўзгарди. Бундай ишлашда давом этаманми, ҳакамлик қиламанми, ўйланиб қолдим.
Узоқ ўйланиб, бу ишдан худди аввалгидек завқ ололмаслигимни тушундим. Шундан сўнг ҳакамликни ташладим", - дейди Клаттенбург.
