Ravshan Haydarov bosh murabbiyligidagi O‘zbekiston U-23 terma jamoasi shu yilning 30 noyabr kuni Toshkent shahrida o‘quv-mashg‘ulotlar yig‘iniga kirishgani haqida avval xabar berib o‘tgandik.

7 dekabrga qadar Toshkent temir yo‘llari muhandislari instituti stadionida mashg‘ulot olib borgan Ravshan Haydarov shogirdlari bugun Taylandga jo‘nab ketishdi.

Bosh murabbiy Taylandga ushbu futbolchilarni olib ketdi:

Darvozabonlar: Dilshod Hamroyev (“Navbahor”), Botirali Ergashev (“Paxtakor”), Rahimjon Davronov (“Mash’al”);

Himoyachilar: Rustam Ashurmatov ("Bunyodkor"), Doston Tursunov (“Neftchi”), Islomjon Qobilov (“Bunyodkor”), Husniddin G‘ofurov (“Neftchi”), Abbosjon Otaxonov (“Navbahor”), Hojiakbar Alijonov (“Paxtakor”), Nodir Yo‘ldoshev (“Paxtakor”), Oybek Rustamov (“Qo‘qon-1912”);

Yarim himoyachilar: Odil Hamrobekov (“Nasaf”), Azizjon G‘aniyev (“Nasaf”), Javohir Siddiqov (“Qo‘qon-192”), Jasurbek Yaxshiboyev (“Paxtakor”), Doniyor Narzullayev (“Nasaf”), Sharof Muhitdinov (“Nasaf”), Xurshid G‘iyosov (“Bunyodkor”), Suhrob Nurulloyev (“Paxtakor”), Abdujamol Isroilov (“Neftchi”);

Hujumchilar: Azizbek Amanov (“Lokomotiv”), Zabihillo O‘rinboyev (“Paxtakor”), Bobir Abdixoliqov (“Nasaf”), Andrey Sidorov (“Qo‘qon-1912”).

U yerda vakillarimiz 9-15 dekabr kunlari bo‘lib o‘tadigan “M150 Cup-2017” xalqaro musobaqasida ishtirok etishadi. O‘zbekiston U-23 terma jamoasi a’zolari “B” guruhida Myanma va Vyetnam terma jamoalariga qarshi bahs olib borishadi.

“A” guruhidan esa Tayland, KXDR va Yaponiyaning 23 yoshgacha bo‘lgan futbolchilardan iborat terma jamoalari joy olishgan. Eslatib o‘tamiz, Ravshan Haydarov boshchiligidagi O‘zbekiston U-23 terma jamoasi kelasi yilning yanvar oyida Xitoyda bo‘lib o‘tadigan Osiyo chempionatida ishtirok etadi.