“Bavariya” klubi darvozaboni Tom Shtarke “Ayntraxt”ga qarshi uchrashuv (1:0) dan so‘ng o‘zining jamoadagi 100-o‘yinini o‘tkazganiga munosabatlarini bildirib o‘tdi.

“Albatta, “Bavariya” uchun 100-o‘yinimni o‘tkazganimdan juda ham xursandman. O‘yindan oldin o‘tkazilgan mashg‘ulotlarda, Sven Ulrayxning maydonga tushmasligini aytishdi.

Bugun yaxshi o‘yin o‘tkazdim deb o‘ylayman. Asosiysi gol o‘tkazmadik, barchasi ko‘ngildagidek bo‘ldi.

Qachon jamoaga kerak bo‘lsam, doim yordam berishga tayyorman. Men avvalgidan ham yaxshiroq sport formasidaman. Shuningdek, g‘alabadan xursand bo‘lganimni ham aytishim mumkin”, – deydi Shtarke.