Ispaniya premyerosi 15-turining bugunga belgilangan so‘nggi uchrashuvi o‘z poyoniga yetdi.

«Estadio de la Seramika» stadionida o‘tgan bahsda mezbon «Vilyarreal» chempionat peshqadami «Barselona»ni qabul qilib, ishonchli hisobda imkoniyatni boy berdi.

Anchagina sokin ruhda kechgan bahsda kutilganidek, mezbonlar asosiy urg‘uni himoyaga qaratib, vaqti-vaqti bilan qarshi hujumlarda o‘ynashdi.

«Barselona» mazkur holatda anchagina qiynaldi va birinchi bo‘limda aytarli jiddiy vaziyatlar yarata olmadi. Ikkinchi bo‘limda esa mehmonlar yanada faollashdi va taym o‘rtalariga kelib «Vilyarreal» bittaga kamaydi.

Aniqrog‘i, Daniyel Raba Serxio Busketsga nisbatan butsasining tag qismi bilan jiddiy tarzda tashlandi va hakam bu vaziyatda uni ayab o‘tirmadi.

Tabbiyki, bundan so‘ng mezbonlarning ishi yanada qiyinlashdi yoki bir kishi kam bo‘lib qolganligi sezilib qoldi.

72-daqiqaga kelib, Luis Suares ajoyib tarzda tashkil etilgan kombinasiyani chiroyli gol bilan yakunladi. Oradan 11 daqiqa o‘tib esa Lionel Messi mezbonlar himoyasidagi bo‘sh harakatdan so‘ng hisobni 2:0 ko‘rinishiga keltirdi.

Shu tariqa, «Barselona» qiyinchilik bilan o‘z hisobidagi ochkolari sonini yana uchtaga ko‘paytirib oldi.

Ispaniyachempionati. 15-TUR

Vilyarreal – Barselona – 0:2 (0:0)

10 dekabr, «Estadio de la Seramika»

Gollar: 0:1 – 72 Suares, 0:2 – 83 Messi.

Vilyarreal: Asenxo, Alvaro Gonsales, Ruben Semedu (Kastilyexo, 48), Kosta, Ruis, Trigeros, Rodri Ernandes, Raba, Soriano (Rukavina, 64), Mario Gaspar, Bakambu.

Barselona: ter Stegen, Vermalen, Pike, Alba, Rakitich, Serdji Roberto, Paulinyo (Aleish Vidal, 68), Buskets (Andre Gomesh, 86), Denis Suares (Pako Alkaser, 58), Messi, Suares.

Ogohlantirishlar: Buskets (45), Bakambu (61), Alvaro Gonsales (86).

Chetlatish: Raba (60).