Italiya “A” Seriyasining 16-turidan o‘rin olgan “Milan” hamda “Bolonya” o‘rtasidagi uchrashuv yakunlandi. Unda maydon egalari 2:1 hisobida g‘alaba qozonishdi.
Dastlab, Bonaventura 10-daqiqada hisobni ochdi, oradan 13 daqiqa o‘tib Verdi mehmonlarning javob golini kiritdi. Jamoalar tanaffusga shu hisobda chiqib ketishdi.
Ikkinchi bo‘limning 76-daqiqasida Bonaventura uchrashuvda yana o‘zini ko‘rsatdi. Qulay vaziyatga chiqib borgan futbolchi Mirante qo‘riqlayotgan darvozani ishg‘ol qilib, “Milan” jamoasining yangi murabbiy Jennaro Gattuzo qo‘l ostidagi ilk g‘alabasini ta’minladi.
Italiya chempionati, 16-tur.
Milan – Bolonya 2:1.
Gollar: 1:0 – 10 Bonaventura, 1:1 – 23 Verdi, 2:1 – 76 Bonaventura.
Milan – Donnarumma, Abate (Kutrone, 59), Rodriges, Musakkyo, Bonuchchi, Kessie, Bonaventura, Borini (Kalabriya, 83), Montolivo, Suso, Kalinich (Andre Silva, 68).
Bolonya – Mirante, Masina (Petkovich, 83), Gonsales, Xelander, Torosidis, Nad (Taider, 64), Donsa, Pulgar, Verdi, Palasio (Okvonkvo, 72), Destro.
