Londonning “Arsenal” jamoasi himoyachisi Ektor Belyerin faoliyatini Turinda davom ettirishi mumkin.
Tuttosport xabariga ko‘ra, ispaniyalik futbolchi “keksa sinyoralar”ning asosiy nishoniga aylanib turibdi. U Shtefan Lixtshtaynerga munosib o‘rinbosar sifatida ko‘rilmoqda. 33 yoshli shveysariyalik futbolchining klub bilan shartnomasi ushbu mavsum tugaganidan keyin o‘z kuchini yo‘qotadi. Agarda Turin jamoasi rahbariyati “Arsenal” bilan kelishuvga erisha olmasa, “Atletiko” a’zosi Shime Vrsalko va PSJ futbolchisi Tomas Menyelar bilan muzokaralarni boshlaydi.
Sentyabr oyida “Yuventus” “Arsenal”ga Belyerin uchun 40 million yevro taklif qilgani haqida ma’lumotlar tarqagandi.
