Лондоннинг “Арсенал” жамоаси ҳимоячиси Эктор Бельерин фаолиятини Туринда давом эттириши мумкин.

Tuttosport хабарига кўра, испаниялик футболчи “кекса синьоралар”нинг асосий нишонига айланиб турибди. У Штефан Лихтштайнерга муносиб ўринбосар сифатида кўрилмоқда. 33 ёшли швейцариялик футболчининг клуб билан шартномаси ушбу мавсум тугаганидан кейин ўз кучини йўқотади. Агарда Турин жамоаси раҳбарияти “Арсенал” билан келишувга эриша олмаса, “Атлетико” аъзоси Шиме Врсалько ва ПСЖ футболчиси Томас Меньелар билан музокараларни бошлайди.

Сентябрь ойида “Ювентус” “Арсенал”га Бельерин учун 40 миллион евро таклиф қилгани ҳақида маълумотлар тарқаганди.