Italiyaning “Milan” klubi bosh murabbiyi Jennaro Gattuzo “Verona”dan uchralgan mag‘lubiyat (0:3) dan so‘ng o‘z fikrlarini bildirib o‘tdi.

“Ilk 25 daqiqada biz ko‘plab xavfli vaziyatlar yaratdik, keyin shularni amalga oshira olmaganimiz uchun raqib tomonidan jazolandik. Ikkinchi gol uchun biz uchun haqiqiy drammaga aylandi.

“Milan” yomon o‘yin ko‘rsatmagandi, lekin gol urishda qiyinchilikka uchradik. Sharmandali hisobdan uyalyapman. Endi nima qilamiz? Faqat oldinga qadam tashlashda davom etamiz.

Maydondan tashqaridagi muammolar bugungi o‘yin natijasiga ta’sir o‘tkazmadi, deb o‘ylayman. Futbolchilar o‘z vaqtida maoshlarini olishyapti, rahbariyat doim biz bilan birga. Kiyinish honasida hech qanday muammo yo‘q.

Men bir narsaga tushunmayapman, nega yutqazib turib ham bunga reaksiya bildirmayotganimiz, meni jaxlimni chiqarmoqda. Agar biroz sovuqqonlik bilan harakat qilganimizda, barchasi boshqacha tus olgan bo‘lardi. Futbolchilar bilan alohida gaplashaman, menga bunday sharmandali mag‘lubiyatlar umuman yoqmaydi”, – deydi Gattuzo.