Италиянинг “Милан” клуби бош мураббийи Женнаро Гаттузо “Верона”дан учралган мағлубият (0:3) дан сўнг ўз фикрларини билдириб ўтди.

“Илк 25 дақиқада биз кўплаб хавфли вазиятлар яратдик, кейин шуларни амалга ошира олмаганимиз учун рақиб томонидан жазоландик. Иккинчи гол учун биз учун ҳақиқий драммага айланди.

“Милан” ёмон ўйин кўрсатмаганди, лекин гол уришда қийинчиликка учрадик. Шармандали ҳисобдан уяляпман. Энди нима қиламиз? Фақат олдинга қадам ташлашда давом этамиз.

Майдондан ташқаридаги муаммолар бугунги ўйин натижасига таъсир ўтказмади, деб ўйлайман. Футболчилар ўз вақтида маошларини олишяпти, раҳбарият доим биз билан бирга. Кийиниш ҳонасида ҳеч қандай муаммо йўқ.

Мен бир нарсага тушунмаяпман, нега ютқазиб туриб ҳам бунга реакция билдирмаётганимиз, мени жахлимни чиқармоқда. Агар бироз совуққонлик билан ҳаракат қилганимизда, барчаси бошқача тус олган бўларди. Футболчилар билан алоҳида гаплашаман, менга бундай шармандали мағлубиятлар умуман ёқмайди”, – дейди Гаттузо.