Англия Премьер-лигасининг 34-тури доирасида кечган марказий баҳслардан бирида «Арсенал» ўз майдонида «Ньюкасл»ни қабул қилди ва кичик ҳисобда ғалаба қозонди.

Учрашув тақдирини ҳал қилган ягона гол баҳснинг илк дақиқаларида киритилди. 9-дақиқада Эберечи Эзе «канонирлар»га ғалаба келтирувчи голга муаллифлик қилди — 1:0.

Ушбу муваффақиятдан сўнг кетма-кет иккита ўйинда мағлуб бўлган «Арсенал» (73 очко) ўзига келиб олди ва «Манчестер Сити»ни (70 очко) ортда қолдирган ҳолда турнир жадвалида яна биринчи ўринга кўтарилди. Қайд этиш лозимки, «шаҳарликлар» ҳисобида битта захира ўйини мавжуд.

«Ньюкасл» эса кетма-кет тўртинчи мағлубиятини қабул қилиб олди. «Қарғалар» 42 очко билан турнир жадвалида 14-поғонани эгаллаб туришибди.

«АРСЕНАЛ» — «НЬЮКАСЛ» — 1:0

Гол: Эберечи Эзе 9 (1:0).

«Арсенал»: Райя, Салиба, Габриэл Магальяйнс, Инкапье, Бен Уайт, Субименди (Льюис-Скелли, 81), Райс, Эдегор, Эзе (Габриэл Мартинелли, 54), Мадуэке (Букайо Сака, 81), Кай Хаверц (Виктор Дьекереш, 34).

«Ньюкасл»: Поуп, Ботман, Малик Тшау, Дэн Берн, Майли, Тонали, Джо Уиллок (Эланга, 87), Бруну Гимарайнс, Рэмси, Джейкоб Мерфи (Йоан Висса, 66), Вильям Осула (Харви Барнс, 66).

Огоҳлантиришлар: Мартинелли (71), Райс (86) — Берн (57), Поуп (75).