"Atletiko" hujumchisi Antuan Grizmann afroamerikalik basketbolchilarning 80-yillardagi usulida suratga tushib Tvitter ijtimoiy tarmog‘iga joyladi.
Fransiyalik futbolchi suratda afro-parik taqib olgan va badanini qoraga bo‘yagan. Rasm ostiga "80-yillar usulidagi kecha" izoh qoldirgan.
Ma’lum vaqtdan so‘ng unga irqchilikda ayblovlar yog‘ildi. Futbolchi buni amerikaning "Garlem Globtrotters" basketbol jamoasiga bag‘ishlaganini aytib o‘zini oqlab ko‘rdi.
"Tinchlaning, yigitlar, men "Garlem"ning yaxshi kunlaridagi muxlisiman, bu hurmat belgisi", - deya javob berdi Grizmann.
Ammo baribir Antuan fotoni o‘chirib yuborishiga va kechirim so‘rashiga to‘g‘ri keldi.
