"Атлетико" ҳужумчиси Антуан Гризманн афроамерикалик баскетболчиларнинг 80-йиллардаги усулида суратга тушиб Твиттер ижтимоий тармоғига жойлади.
Франциялик футболчи суратда афро-парик тақиб олган ва баданини қорага бўяган. Расм остига "80-йиллар усулидаги кеча" изоҳ қолдирган.
Маълум вақтдан сўнг унга ирқчиликда айбловлар ёғилди. Футболчи буни американинг "Гарлем Глобтроттерс" баскетбол жамоасига бағишлаганини айтиб ўзини оқлаб кўрди.
"Тинчланинг, йигитлар, мен "Гарлем"нинг яхши кунларидаги мухлисиман, бу ҳурмат белгиси", - дея жавоб берди Гризманн.
Аммо барибир Антуан фотони ўчириб юборишига ва кечирим сўрашига тўғри келди.
