«Chelsi» himoyachisi David Luiz «Barselona»ga o‘tishni istamoqda. Catalunya Ràdio xabariga ko‘ra, futbolchi Barselonaga jarohatini davolash uchun borgan, ammo uning asosiy maqsadi Kataloniya klubi bilan suhbatlashib olish.
Biroq Luizning bu istagiga qaramay, «Barselona» boshqa markaziy himoyachi bilan shartnoma imzolashi ham mumkin. Chunki braziliyalik himoyachining transfer narxi va maoshi ancha baland.
Kataloniyaliklarning asosiy nishoni hozirda «Palmeyras» vakili Yerri Mina bo‘lib turibdi.
Oldinroq David Luiz va «Chelsi» ustozi Antonio Konte o‘rtasida tushunmovchiliklar bo‘layotgani haqida xabarlar tarqalgandi.
