Braziliyalik Geyne AllemanYE, yo‘qolib qoluvchi ko‘pik - spreyning ixtirochisi ekanini da’vo qilyapti.
Ayni paytda, dunyoning 44ta mamlakati hakamlari bu spreydan futbol o‘yinlari paytida foydalanmoqda.
Geyne FIFA tashkilotini, o‘z ixtirosidan ruxsatsiz foydalanganlikda ayblayapti. Bundan tashqari, braziliyalikka, boshqa kompaniyalarning sprey ishlab chiqarishi va bundan oladigan foydadan o‘ziga ulush bermasligi yoqmayapti.
Yaqinda Rio-de-Janeyro sudi Geyne ixtirosini tan olib, unga patent bergan edi. Endi u FIFA tashkilotidan 84 million yevro undirib olmoqchi.
