Oliy Liga-2017 yakunidan keyin bir oylik qishki ta’tilga chiqqan «Dinamo» klubi yangi mavsum taraddudini boshlash arafasida.
«Dinamo» jamoasi 23 dekabr kunidan Samarqanddagi qarorgohida yig‘iladi. Yangi mavsum tayyorgarligi doirasidagi dastlabki yig‘inda jamoaning barcha futbolchilari ishtirok etishi rejalashtirilgan. Faqatgina 2017 yilgi mavsumni ijara asosida «Dinamo»da o‘tkazgan futbolchilar yig‘inda qatnashmaydi.
23 dekabrdan boshlanadigan ushbu yig‘in bir hafta davom etib, unda murabbiylar asosan futbolchilarning jismoniy holatini tiklashga e’tibor qaratishadi. Dastlabki yig‘in 29 dekabrga qadar davom etishi belgilangan.
