Bugun, 21 dekabr kuni Xalqaro futbol federasiyasi (FIFA) tashkilotga a’zo terma jamoalarning yangilangan reytingini e’lon qildi.

Unga ko‘ra, O‘zbekiston milliy terma jamoasi 441 (437) ochko bilan 78-pog‘onaga joylashdi.

Terma jamoa avvalgi ko‘rsatkichga nisbatan ikki o‘ringa yuqoriladi va OFKga a’zo mamlakatlar orasida 9-o‘rin (10) ni egalladi.

Yangi reytingga nazar soladigan bo‘lsak, O‘zbekiston Iroq terma jamoasidan oldinga o‘tdi. O‘zbekiston va Iroq o‘rtasidagi tafovut 3 ochkoni tashkil qiladi.

Eron terma jamoasi 798 ochko bilan hamon Osiyoda peshqadamlik qilmoqda. Kuchli uchlikdan Avstraliya (747) va Yaponiya (600) terma jamoalari joy olishdi.

Quyida OFKga a’zo mamlakatlarning TOP-10 ligi bilan tanishishingiz mumkin.

1 (32). Eron — 798 ochko;

2 (38). Avstraliya — 747 ochko;

3 (57). Yaponiya — 600 ochko;

4 (60). Janubiy Koreya — 570 ochko;

5 (63). Saudiya Arabistoni — 543 ochko;

6 (71). Xitoy — 498 ochko;

7 (73). BAA—  476 ochko;

8 (77). Suriya — 442 ochko;

9 (80). O‘zbekiston — 441 ochko; + 4 ochko;

10 (79). Iroq — 438 ochko.

Germaniya terma jamoasi 1602 ochko bilan FIFA reytingida yana peshqadamlikni o‘rnatib turibdi.

Braziliya 1483 ochko bilan ikkinchi o‘rinni egallagan bo‘lsa, kuchli uchlikni Portugaliya terma jamoasi 1358 ochko bilan yakun yasab berdi.

Eslatib o‘tamiz, avvalroq O‘zbekiston 43.305 ball bilan Osiyo futbol konfederasiyasi (OFK) tashkilotga a’zo mamlakatlar federasiyalarining yangi texnik reytingida o‘z o‘rnini saqlab qolgani haqida xabar bergandik.