Bundan keyin superliga klublarida ishtirok etadigan futbolchilarning jismoniy holati O‘zbekiston Futbol Federasiyasi tomonidan tasdiqlangan test-sinovlari orqali nazorat qilib boriladi.
Futbolchilar topshiradigan test-sinovlari O‘zbekiston Futbol Federasiyasining Texnik rivojlantirish boshqarmasi ilmiy-metodik guruhi mutaxassislari tomonidan ishlab chiqilgan. Bugun ilmiy guruh vakillari Qo‘qonda bo‘lib, jamoamiz futbolchilarini nazoratdan o‘tkazishdi.
Jamoamiz futbolchilari quyidagi test-sinovlarini topshirishdi:
1. 30 metrga yugurish
2. Turgan joyidan uzunlikka sakrash
3. 7x50 metrga yugurish
4. "Yo-Yo" test
Ushbu testlarda jamoamizning 21 nafar futbolchisi ishtirok etdi.
Muxlislarimizga shuni qo‘shimcha qilmoqchimizki,o‘tgan mavsumni jamoamizda boshlab so‘ngra ma’lum muddat Koreya chempionatida to‘p surgan iqtidorli futbolchi Bahodir Pardayev ham jamoamiz mashg‘ulotlariga qo‘shilgan. Bugun Pardayev ham test sinovlarini topshirdi.
Mutaxasislar yaqin vaqtlar ichida test natijalarini jamoamiz murabbiylar shtabiga taqdim qilishadi.
