Бундан кейин суперлига клубларида иштирок этадиган футболчиларнинг жисмоний ҳолати Ўзбекистон Футбол Федерацияси томонидан тасдиқланган тест-синовлари орқали назорат қилиб борилади.
Футболчилар топширадиган тест-синовлари Ўзбекистон Футбол Федерациясининг Техник ривожлантириш бошқармаси илмий-методик гуруҳи мутахассислари томонидан ишлаб чиқилган. Бугун илмий гуруҳ вакиллари Қўқонда бўлиб, жамоамиз футболчиларини назоратдан ўтказишди.
Жамоамиз футболчилари қуйидаги тест-синовларини топширишди:
1. 30 метрга югуриш
2. Турган жойидан узунликка сакраш
3. 7х50 метрга югуриш
4. "Yo-Yo" тест
Ушбу тестларда жамоамизнинг 21 нафар футболчиси иштирок этди.
Мухлисларимизга шуни қўшимча қилмоқчимизки,ўтган мавсумни жамоамизда бошлаб сўнгра маълум муддат Корея чемпионатида тўп сурган иқтидорли футболчи Баҳодир Пардаев ҳам жамоамиз машғулотларига қўшилган. Бугун Пардаев ҳам тест синовларини топширди.
Мутахасислар яқин вақтлар ичида тест натижаларини жамоамиз мураббийлар штабига тақдим қилишади.
