Bugungi uchrashuvdan so‘ng jamoamizning yetakchi o‘yinchilaridan bo‘lgan, Akmal Shorahmedovni ham suhbatga tortdik.

-Bizga bugungi o‘yin jismoniy holatimizni yaxshilashga ko‘mak berdi. Terma jamoamizga esa o‘yin mahoratini oshirishga yordam berdi deb, o‘ylayman. Terma jamoamiz vakillari bizga  nisbatan hozirgi paytda ko‘proq o‘yin amaliyotiga ega ekanliklarini  ko‘rsatishdi. O‘zingizga ma’lum, ta’tildan so‘ng endigina jismoniy tayyorgarlikni boshladik. Aksariyat o‘yinchilarimiz birinchi yugurishdan so‘ng, bugun maydonga tushishdi. O‘yinda ham bu aksini ko‘rsatdi. Umuman olganda bunday o‘yinlar terma jamoamiz futbolchilariga o‘ziga bo‘lgan ishonchni ortiradi. Bunday uchrashuvlarda hisob hech narsani anglatmaydi.

Ukalarimiz tayyorgarlikni aslo to‘xtatmasliklari kerak. Yaqinda ular Tailandda bo‘lgan xalqaro turnirda g‘oliblikni qo‘lga kiritishdi. Buni ular tezda unutishlari shart. Xalqaro turnir bilan Osiyo chempionati o‘rtasida katta farq bor. Chempionatda hech qanday eksprimentga (tajribaga) o‘rin yo‘q. Balki har bir uchrashuv faqat natija uchun o‘ynaladi.

Albatta biz bu yigitlardan ijobiy natija kutishga xaqlimiz va bo‘lajak chempionatda ularga omadlar tilaymiz.