Chili termasi yetakchisi, «Bavariya» klubining eng yaxshi futbolchilaridan biri bo‘lgan 30 yoshli Arturo Vidal so‘nggi paytlarda mashmashalar girdobida qolayotganday - ajoyib oila egasining alkogolga ruju qo‘ygani haqidagi gap-so‘zlar allaqachon hammaning og‘ziga tushgan. Quyida qirol Arturo faoliyatidagi shunga o‘xshash voqealarga to‘xtalamiz.
SAMPAOLINING IQRORI
Janubiy Amerikaning amaldagi chempionlari JCH-2018 saralashida muvaffaqiyatsizlikka uchrashganidan so‘ng Vidal mavzusi yana kun tartibidan o‘rin oldi. Hammasi Karl Pardoning «Instagram»dagi chiqishidan so‘ng boshlandi.
Golkiper Klaudio Bravoning turmush o‘rtog‘i ism-shariflarga to‘xtalmagan holda quyidagilarni yozgandi: «Ayrimlar mashg‘ulotlarda borini berishganda, qolganlar ko‘ngilxushlik qilishdan bo‘shashmadi. Endi esa, butun mamlakatda motam».
Vidal Braziliyaga qarshi o‘tgan hal qiluvchi bahsni diskvalifikasiya tufayli o‘tkazib yuborganiga qaramay, ko‘pchilik yana u to‘g‘rida gapirmoqda.
Hatto ikki yil oldin Chili termasini boshqargan Xorxe Sampaolining o‘sha paytlarda bergan intervyusi ham chetda qolmadi - o‘shanda chililiklar sobiq murabbiyi futbolchiga samolyotda pivo ichishni taqiqlab qo‘yganida Arturo avtobus haydovchisi bilan bir shisha viskini bo‘shatgan va Vidal o‘z ustidan nazoratni yo‘qotgani bois, Sampaoli uni shifokorlar ko‘rigiga olib borish kerakligini aytgandi.
SHISHA BILAN BOSHGA
Bu mavzu asta-sekinlik bilan esdan chiqa boshlaganida esa Vidalga oid yangi mashmashalar haqida Sport1.de ma’lumot tarqatdi. Unda aytilishicha, futbolchi akasi va o‘rtoqlari bilan Myunxendagi Crown~s Clubda ko‘ngilxushlik qilgan.
Bunday joylarda urush-janjallar tez-tez sodir bo‘lishini e’tiborga olsak, ular bilan ham shunday hodisa yuz berganiga hayron qolmasligingiz tabiiy. Ammo janjal ishtirokchilaridan birining boshiga shisha bilan urishgani va qonun ustuvorligi bilan ajralib turadigan Germaniyada bunday voqealarga osonlikcha ko‘z yumib ketilmasligini inobatga olsak...
polisiya darhol voqea yuzasidan tergov-surishtiruv ishlarini boshlab yubordi. Ayrimlar, jumladan, jabrdiyda ham janjalning asosiy aybdori sifatida Vidalni ko‘rsatdi, biroq kafe xo‘jayini futbolchining qo‘lida shisha idish bo‘lmagani va u faqat o‘zini himoya qilganligini aytib ko‘rsatma berdi. Nima bo‘lgan taqdirda ham, bu kabi voqealar Vidalni butun futbolchilik faoliyati davomida ta’qib qilayotanday.
OG‘IR BOLALIK
