Rimning “Roma” jamoasi bosh murabbiyi Eusebio Di Franchesko Italiya chempionati doirasida “Yuventus”dan (0:1) uchralgan mag‘lubiyat xususida gapirdi.

“Yuve” burchak to‘pidan keyin gol urdi, biroq ikkinchi bo‘limda biz o‘yinimizga qancha temp qo‘shdik, Turinda ham o‘z maydonimizdagidek to‘p surdik. Tanaffusga qadar bizning pressingimiz sekin bo‘ldi, “Yuventus” esa agressiv o‘yin ko‘rsatdi.

Bu yerga 0:1 hisobida yutqazgani kelmagandik. “Yuventus”ning ishlari o‘xshadi, biroq aytib o‘tamanki, biz chempionlik poygasidamiz. Bunday o‘yinlar bizga kuch berishi kerak.

Futbolchilardan yarim himoya hududida yaxshiroq o‘ynashni aytgandim, biroq o‘yin davomida rejadan chiqib ketdik, to‘p oshirishlarda xatolarga yo‘l qo‘ydik.

O‘yin oxirlarida “Yuve” o‘z maydonida bo‘ldi, biz katta bosim uyushtirdik. Bu esa jamoada jismoniy jihatdan muammolar yo‘qligini bildiradi. So‘nggi 20 daqiqada chiroyli o‘ynaganimiz bois, o‘yinda ochko yo‘qotdik deb hisoblayman.

Oldinda o‘yinlar juda ko‘p. Shu boisdan jiddiy jamoa ekanligimizni isbotlamoqchimiz”, - deydi Di Franchesko.