Римнинг “Рома” жамоаси бош мураббийи Эусебио Ди Франческо Италия чемпионати доирасида “Ювентус”дан (0:1) учралган мағлубият хусусида гапирди.

“Юве” бурчак тўпидан кейин гол урди, бироқ иккинчи бўлимда биз ўйинимизга қанча темп қўшдик, Туринда ҳам ўз майдонимиздагидек тўп сурдик. Танаффусга қадар бизнинг прессингимиз секин бўлди, “Ювентус” эса агрессив ўйин кўрсатди.

Бу ерга 0:1 ҳисобида ютқазгани келмагандик. “Ювентус”нинг ишлари ўхшади, бироқ айтиб ўтаманки, биз чемпионлик пойгасидамиз. Бундай ўйинлар бизга куч бериши керак.

Футболчилардан ярим ҳимоя ҳудудида яхшироқ ўйнашни айтгандим, бироқ ўйин давомида режадан чиқиб кетдик, тўп оширишларда хатоларга йўл қўйдик.

Ўйин охирларида “Юве” ўз майдонида бўлди, биз катта босим уюштирдик. Бу эса жамоада жисмоний жиҳатдан муаммолар йўқлигини билдиради. Сўнгги 20 дақиқада чиройли ўйнаганимиз боис, ўйинда очко йўқотдик деб ҳисоблайман.

Олдинда ўйинлар жуда кўп. Шу боисдан жиддий жамоа эканлигимизни исботламоқчимиз”, - дейди Ди Франческо.