Urugvay terma jamoasining sobiq hujumchisi Sebastyan Abreu “Audaks Italyano” jamoasiga o‘tdi. Bu uning faoliyati davomidagi 26-klubi bo‘ldi. Unga “Savdoyi” deya laqab qo‘yishgan. Ta’kidlash kerakki, 41 yoshli futbolchi bu borada dunyo rekordini o‘rnatdi, ya’ni u darvozabon Luts Fannenstillni (25 ta jamoada o‘ynagan) ortda qoldirdi.
Abreu dastlabki professional shartnomasini 1995 yilda Urugvayning “Defensor Sporting” klubi bilan imzolagan. Futbolchi shu paytga qadar 10 mamlakatda — Urugvay, Meksika, Salvador, Ispaniya, Braziliya, Ekvador, Gresiya, Isroil, Paragvay va Argentinada to‘p surgan.
