Уругвай терма жамоасининг собиқ ҳужумчиси Себастьян Абреу “Аудакс Итальяно” жамоасига ўтди. Бу унинг фаолияти давомидаги 26-клуби бўлди. Унга “Савдойи” дея лақаб қўйишган. Таъкидлаш керакки, 41 ёшли футболчи бу борада дунё рекордини ўрнатди, яъни у дарвозабон Лутц Фанненстиллни (25 та жамоада ўйнаган) ортда қолдирди.
Абреу дастлабки профессионал шартномасини 1995 йилда Уругвайнинг “Дефенсор Спортинг” клуби билан имзолаган. Футболчи шу пайтга қадар 10 мамлакатда — Уругвай, Мексика, Сальвадор, Испания, Бразилия, Эквадор, Греция, Исроил, Парагвай ва Аргентинада тўп сурган.
