"Yuventus" bosh murabbiyi Massimiliano Allegri jamoa hujumchisi Paulo Dibala atrofidagi voqealarga munosabatini bildirdi.

"U bilan munosabatimiz mutlaqo o‘zgargani yo‘q. Dibala uch yil avval "Yuventus"ga o‘tgan va bu vaqt davomida sezilarli darajada o‘sdi. "Yuve" unga ishonadi u bizga ko‘p foyda berdi. Uning yanada o‘sishi uchun barcha imkoniyatlar bor, deb o‘ylayman.

Mavsum boshida uni Messi, Ronaldu va Neymarga taqqoslashlari unga zarar qildi. Ammo u aqqli yigit. U 24 yoshli yigitni 10ta "Oltin to‘p" olgan monstrlar bilan tenglash kerakmasligini yaxshi biladi.

Yana Neymar bor, u bilan yaqinroq. Paulo hech kim ular bilan tenglamasliklari uchun o‘z yo‘lidan borishi kerak. Uning o‘ziga xos jihatlari bor, u qoyilmaqom o‘yinchi. U o‘z sifatlariga ’tibor berishi kerak.

Bu taqqoslashlar unga zarar qildi. Gap Dibalada emas. Dibala - asosiy muammo emas. Yarim soat o‘yin ko‘rsatib narxi 40 millionga chiqib ketgan yigitchalar bor", - deydi Allegri.