"Ювентус" бош мураббийи Массимилиано Аллегри жамоа ҳужумчиси Пауло Дибала атрофидаги воқеаларга муносабатини билдирди.

"У билан муносабатимиз мутлақо ўзгаргани йўқ. Дибала уч йил аввал "Ювентус"га ўтган ва бу вақт давомида сезиларли даражада ўсди. "Юве" унга ишонади у бизга кўп фойда берди. Унинг янада ўсиши учун барча имкониятлар бор, деб ўйлайман.

Мавсум бошида уни Месси, Роналду ва Неймарга таққослашлари унга зарар қилди. Аммо у аққли йигит. У 24 ёшли йигитни 10та "Олтин тўп" олган монстрлар билан тенглаш керакмаслигини яхши билади.

Яна Неймар бор, у билан яқинроқ. Пауло ҳеч ким улар билан тенгламасликлари учун ўз йўлидан бориши керак. Унинг ўзига хос жиҳатлари бор, у қойилмақом ўйинчи. У ўз сифатларига ътибор бериши керак.

Бу таққослашлар унга зарар қилди. Гап Дибалада эмас. Дибала - асосий муаммо эмас. Ярим соат ўйин кўрсатиб нархи 40 миллионга чиқиб кетган йигитчалар бор", - дейди Аллегри.