Braziliya termasi hamda “Real” jamoasining sobiq himoyachisi Roberto Karlos vatandoshi Vinisius Juniorning “qaymoqranglilar” muxlislari yoqimtoyiga aylana olishiga ishonadi.
“Juda yaxshi yigit! U bilan “Real” tarkibida o‘ynashga tayyorligi borasida gaplashmoqchi emasman. Chunki hali juda yosh. “Real” esa kelajakni o‘ylagan holda yaxshi qarorni qabul qildi. Bu esa “Flamengo” uchun ham foydali bo‘ldi.
Vinisius “Real” tarkibida o‘ynash qiyinligini bilib turibdi. “Santyago Bernabeu” juda buyuk stadion, bu esa bosimni oshiradi. Biroq ishonamanki, Vinisius “Real” muxlislarining yoqimtoyiga aylana oladi”, - deydi Karlos.
