Бразилия термаси ҳамда “Реал” жамоасининг собиқ ҳимоячиси Роберто Карлос ватандоши Винисиус Жуниорнинг “қаймоқранглилар” мухлислари ёқимтойига айлана олишига ишонади.

“Жуда яхши йигит! У билан “Реал” таркибида ўйнашга тайёрлиги борасида гаплашмоқчи эмасман. Чунки ҳали жуда ёш. “Реал” эса келажакни ўйлаган ҳолда яхши қарорни қабул қилди. Бу эса “Фламенго” учун ҳам фойдали бўлди.

Винисиус “Реал” таркибида ўйнаш қийинлигини билиб турибди. “Сантьяго Бернабеу” жуда буюк стадион, бу эса босимни оширади. Бироқ ишонаманки, Винисиус “Реал” мухлисларининг ёқимтойига айлана олади”, - дейди Карлос.