O‘zbekistonlik iqtidorli futbolchilar endi Yevropaning eng kuchli klublariga tavsiya etiladi. Ular orasida «Real», «Lion», «Anderlext», «Standard» klublari bor. Bu haqda O‘zbekiston futbol federasiyasi rasmiy saytida xabar berilgan.

Rasmiy manbada aytilishicha, Belgiya futbol federasiyasida texnik bo‘lim boshlig‘i Kris van Puyvelde hamda «Anderlext» futbol klubining Skautlar bo‘limi boshlig‘i Bekir Tedek yanvar oyining o‘rtalarida yurtimizga tashrif buyuradi.

Bu ikki mutaxassis ko‘p yillar davomida birgalikda bolalar futboli bo‘yicha faoliyat yuritishadi.Ularda futbolni rivojlantirish bo‘yicha aniq dasturlar bor. Mana shu dasturlar asosida ushbu mutaxassislar yurtimizdagi iqtidorli yosh futbolchilarni saralab, ularning futbolchi sifatida o‘sishlariga ko‘mak berishadi. Keyinchalik ana shu iqtidorli futbolchilar Van Puyvelde va Bekir Tedek tomonidan Yevropaning kuchli klublari, jumladan, «Real» Madrid, «Lion», «Anderlext», «Standard» kabi jamoalariga tavsiya qilib boriladi.