Avval xabar berganimizdek, “Buxoro” jamoasi bugundan yangi mavsumga tayyorgarlikning navbatdagi bosqichini boshladi.
Jamoa a’zolari tushlikdan so‘ng poytaxtimizdagi muxtasham “Turkiston” mehmonxonasida yig‘ildi.
Mashg‘ulotlar “Bunyodkor” akademiyasining mashg‘ulot maydonlarida o‘tkaziladi. Bugungi kunda ishqibozlarning diqqat markazida turgan transfer bozoridagi o‘zgarishlarga qisqacha to‘xtalib, shuni ma’lum qilamizki, o‘tkan mavsum “Buxoro” sharafini himoya qilgan Muhiddin Xudoyorov, Alisher Samatov, Alisher Sanoyev hamda Zohir Pirimov bilan tuzilgan amaldagi shartnoma muddati yakuniga yetdi. Ushbu futbolchilar bilan hamkorlik to‘xtalib, do‘stona ravishda xayrlashildi. Ularning klubi ravnaqi yo‘lidagi xizmatlari uchun minnatdorchilik bildirgan xolda, kelgusi faoliyatida omad yor bo‘lishini tilab qolamiz.
Tarkibga yangi kelib qo‘shilgan futbolchilar ham yo‘q emas. Faqat ular bilan hozircha rasmiy kelishuvga erishilmagani bois, nomlarini keyinroq ma’lum qilamiz.
“Buxoro” matbuot xizmati.
