Futbolchilarimiz yangi mavsum tayyorgarligini davom ettirmoqda. Mashg‘ulotlar kuniga ikki mahal bo‘lib o‘tayapti. Mashg‘ulotlarga bugundan yangi futbolchilar ham qo‘shilishdi.
Avval Jizzaxning “So‘g‘diyona” jamoasi sharafini himoya qilgan yarim himoyachi Sanjar Rashidov bugundan jamoamiz mashg‘ulotlariga qo‘shildi. O‘zingizga ma’lum, Sanjar Rashidov o‘tgan mavsumda, “So‘g‘diyona” jamoasida 14ta to‘p kiritgan.
Ismi sharifi: Sanjar Rashidov
Tug‘ilgan sanasi: 14.07.1993 yil
Ampluasi: yarim himoyachi
O‘ynagan klubi: “So‘g‘diyona” jamoasi
Shuningdek mashg‘ulotlarda tojikistonlik futbolchi ham ishtirok etmoqda. Bu futbolchi Dushanbening “Istiqlol” jamoasida va Tojikiston milliy terma jamoasida to‘p tepgan.
Ismi sharifi: Jahongir Aliyev
Tug‘ilgan sanasi: 14.07.1996 yil
Ampluasi: yarim himoyachi
O‘ynagan klubi: “Istiqlol” (Dushanbe)
Ertaga jamoamiz mashg‘ulotlariga yana yangi futbolchilar qo‘shilishi kutilmoqda. Shuningdek serbiyalik hujumchimiz Dragan Cheran ham ertadan mashg‘ulotlarga kirishadi.
