Ispaniya chempionatining 18-turidan o‘rin olgan “Atletiko” hamda “Xetafe” jamoalari o‘rtasidagi uchrashuv yakuniga yetdi. Unda Madridning “Atletiko” klubi 2:0 hisobida ishonchli g‘alabaga erishdi.

Dastlab, 18-daqiqada Korrea hisobni ochgan bo‘lsa, 68-daqiqada Diyego Kosta “Atletiko”ga qaytganidan so‘ng La ligadagi ilk golini urdi. Ammo Kostaga ushbu gol qimmatga tushdi, chunki o‘yinni boshqargan hakam Xose Munuera Montero golni muxlislar bilan nishonlagani uchun Kostaga ikkinchi sariq kartochkani ko‘rsatib, maydondan chetlatdi. 10 kishi bo‘lib qolgan bo‘lishiga qaramay, “Atletiko” yakunda g‘alabani saqlab qoldi.

Ispaniya chempionati. 18-tur.

Atletiko – Xetafe 2:0.

Gollar: 1:0 – 18 Korrea, 2:0 – 68 Diyego Kosta.

Atletiko – Oblak, Savich, Lyuka Ernandes, Vrsalko, Godin, Gabi, Koke (Torres, 88), Ferreyra Karrasko (Parti, 60), Korrea (Ximenes, 84), Diyego Kosta, Grizmann.

Xetafe – Martines, Dakonam, Antunesh, Suares, Kala, Portilyo (Alvaro, 64), Arambarri, Mora (Sibasaki, 64), Dyediu, Molina, Anxel (Pacheko, 74).

Ogohlantirishlar: Vrsalko (14), Lyuka Ernandes (24), Portilyo (29), Gabi (30), Grizmann (44), Kala (45), Savich (45), Diyego Kosta (62), Dakonam (74).

Chetlatish: Diyego Kosta (68).