"Real" bosh murabbiyi Zinedin Zidan "Selta" bilan durangdan so‘ng (2:2)fikrlari bilan o‘rtoqlashdi.
"Bizga nima yetishmadi? Ikkinchi bo‘lim va 90 daqiqa davomida maqsadli o‘yin. Birinchi bo‘limni juda yaxshi o‘tkazdik, ikkinchi bo‘lim haqida bunday deb bo‘lmaydi. Bo‘lib o‘tgan voqealarni yaxshilab tahlil qilish kerak.
Biz ko‘p xato qildik. O‘zimizga noodatiy tarzda to‘p yo‘qotdik, bu juda muhim pallalarda ro‘y berdi. Bunday xatolarga yo‘l qo‘ymaslik kerak.
Jismoniy holatimiz joyida, biz ko‘proq yugurish mashqlari ustida ishladik. Ammo gap bunda emas. Masalan ikkinchi golni bir necha xatolarimizdan so‘ng o‘tkazib yubordik. Raqib ko‘tarinki ruh bilan o‘ynadi, ammo biz esa aksincha.
Bo‘lib o‘tgan ishlarni tushuntirib bera olmayman. Hammasini to‘g‘irlab, barqaror o‘ynashga harakat qilamiz.
Peres kiyinish xonasiga jamoani ruhlantirish uchun kirdi, xolos, boshqa narsa uchun emas", - deydi Zidan.
