"Реал" бош мураббийи Зинедин Зидан "Сельта" билан дурангдан сўнг (2:2)фикрлари билан ўртоқлашди.

"Бизга нима етишмади? Иккинчи бўлим ва 90 дақиқа давомида мақсадли ўйин. Биринчи бўлимни жуда яхши ўтказдик, иккинчи бўлим ҳақида бундай деб бўлмайди. Бўлиб ўтган воқеаларни яхшилаб таҳлил қилиш керак.

Биз кўп хато қилдик. Ўзимизга ноодатий тарзда тўп йўқотдик, бу жуда муҳим паллаларда рўй берди. Бундай хатоларга йўл қўймаслик керак.

Жисмоний ҳолатимиз жойида, биз кўпроқ югуриш машқлари устида ишладик. Аммо гап бунда эмас. Масалан иккинчи голни бир неча хатоларимиздан сўнг ўтказиб юбордик. Рақиб кўтаринки руҳ билан ўйнади, аммо биз эса аксинча.

Бўлиб ўтган ишларни тушунтириб бера олмайман. Ҳаммасини тўғирлаб, барқарор ўйнашга ҳаракат қиламиз.

Перес кийиниш хонасига жамоани руҳлантириш учун кирди, холос, бошқа нарса учун эмас", - дейди Зидан.