Turkiyada yig‘in o‘tkazayotgan "Paxtakor" kecha birinchi nazorat o‘yinida maydonga tushdi. Bosh murabbiy Shota Arveladzening fikrlari bilan qiziqdik.

- Hozircha barchasi juda yaxshi ketmoqda. Ob-havo rejalashtirilgan mashg‘ulotlarni o‘tkazishga mos keladi. Bu yerda ko‘ngildagidek shug‘ullanish uchun qulay sharoitlar yaratilgan. Mashg‘ulotlar va o‘yindan qoniqish hosil qilyapman.

Futbolchilarni yaxshi holatga keltirish borasida ishlayapmiz. Hammasini tuzib chiqilgan reja asosida olib boryapmiz. Umid qilamanki, yig‘in oxirigacha ishlarimiz shunday davom etadi, - deya Arveladzening sshzlarini keltiradi "Paxtakor" rasmiy sayti.