U-23 yoshlar o‘rtasidagi Osiyo chempionatida ishtirok etuvchi O‘zbekiston olimpiya terma jamoasi kecha Changjou shahridagi markaziy stadionda rasmiy mashg‘ulot o‘tkazdi.
Ma’lumot uchun, OFK rasmiylari ushbu stadionni Osiyo chempionati 1-tur bahslariga tayyorlash maqsadida stadionda katta hajmdagi ish olib bormoqda. Shu bois, OFK terma jamoalarga rasmiy mashg‘ulot o‘tkazish uchun uchrashuvdan ikki kun oldin ruxsat bergan.
Ravshan Haydarov bosh murabbiyligidagi terma jamoa kecha mahalliy vaqt bilan soat 20:00da uchrashuv bo‘lib o‘tadigan stadionda rasmiy mashg‘ulot o‘tkazdi. Bugun terma jamoalar rasmiylari ishtirokida miting bo‘lib o‘tadi.
Mashg‘ulotlardan fotosuratlarni saytimizning Fotogalereyasida tomosha qilish mumkin.
Eslatib o‘tamiz, O‘zbekiston Olimpiya terma jamoasi Osiyo chempionatidagi dastlabki uchrashuvni 9 yanvar kuni Qatar terma jamoasiga qarshi o‘tkazadi. O‘yin Toshkent vaqti bilan soat 16:30da boshlanadi.
